Kreu i SPAK, Arben Kraja deklaroi sot për mediat se cështja e publikimit të të dhënave personale nuk mund të hetohet nga SPAK, pasi nuk është vepër që mbulohet nga ky institucion.
Por, tha Kraja, nëse ka elementë ku parashikohet hetimi nga SPAK ne do të ndërhyjmë.
“Prokuroria e Posaçme vepron në bazë të kompetencave që parashikohen sipas kodit procedurës penale, nxjerrja e të dhënave personale nuk është vepër penale që është në kompetencën tonë për të hetuar. Mesa kam informacion po hetohet nga Prokuroria e Tiranës. Nëse do të ketë persona të përfshirë për vepra penale në kompetencën tonë, atëherë ne do të hetojmë. Momentalisht ka hetim edhe për 3 inceneratorët” – tha kreu i SPAK, Arben Kraja. a.b
