Është thelluar bilanci tragjik i aksidentit që ndodhi këtë pasdite në aksin Milot Rrëshen.
Sapi është ndarë nga jeta edhe babai i 3 vjeçarit që mbeti pa jetë në aksident. I ati ishte nisur për mjekim në spital por pa mundur t’ia dalë.
Detajet:
Milot
Në vijim të informacionit paraprak ju bëjmë me dije se automjeti tip “Opel” ku humbi jetën i mituri 3-vjecar, drejtohej nga shtetasi Sh.P.,33 vjeç, banues në fshatin Rrilë, Lezhë i cili ka ndërruar jetë, si dhe ka marrë dëmtime dhe është transportuar në spitalin e Traumës Tiranë bashkëshortja e tij shtetasja F.P., 26 vjeç.
Gjithashtu, drejtuesi i automjetit tip “Benz ” shtetasi A.M., është transportuar në spitalin e Traumës Tiranë, në gjëndje të rëndë.
Milot/Informacion paraprak
Në aksin rrugor Milot -Rrëshen, janë përfshirë në aksident automjeti tip “Benz” me automjetin tip “Opel”.
Si pasojë e përplasjes ka ndërruar jetë një i mitur 3- vjeçar, që udhëtonte me prindërit në mjetin tip “Opel” dhe ka marrë dëmtime është transportuar në spitalin e Traumës Tiranë drejtuesi i mjetit tip “Benz ” .
Mjeti tip “Benz ” është përfshirë nga flakët dhe është djegur plotësisht.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes. m.k
