Komisioni i Rithemelimit të Partisë Demokratike, publikoi sot rezultatet përfundimtare të referendumit për ratifikimin e shkarkimit të Lulzim Bashës si kryetar i PD.
Në votim kanë marrë pjesë 43,879 anëtarë të Partisë Demokratike.
Pro shkarkimit të Lulzim Bashës kanë votuar 43,385 anëtarë, ndërsa kundër kanë votuar 306 dhe 17 anëtarë kanë votuar abstenim. Të pavlefshme kanë rezultuar 171 vota.
Në bazë të këtij referendumi është ratifikuar vendimi numër 6 i Kuvendit Kombëtar për shkarkimin e Lulzim Bashës, thuhet në vendimin e referendumit firmosur nga komisioni elektoral i përcaktuar nga kuvendi kombëtar i PD më 11 janar. a.b
