Grupi i organizimit të Kuvendit hodhi poshtë sot disa akuza të Bashës në lidhje me kostot e mbajtjes së Kuvendit si dhe deklaratën e Bashës që Kuvendi prokuroi burrin e deputetes socialiste, Blerina Gjylameti per skenën e kongresit.
“Deputeti Basha ripërtypi sot publikisht shpifjet e mediave të Edi Rames për organizimin dhe kostot e Kuvendit te Partisë Demokratike.
Kostot modeste të këtij organizimi do të bëhen transparente për mediat ditët në vijim.
Po ashtu kukulla e Ramës shpifi publikisht se për këtë event është kontraktuar bashkëshorti i një deputeteje të Partisë Socialiste.
Hedhim poshtë këtë shpifje dhe sqarojmë opinionin se kjo është totalisht e pavërtetë!
E mirëkuptojmë zemërimin e z.Basha përse nuk e organizuam Kuvendin me kompaninë e të afërmve të tij por rrjepja që ata i kanë bërë financave të PD këto 8 vjet e ka bërë këtë kompani të papërballueshme për mundësitë tona”, thuhet në një njoftim shtypi nga grupi i organizimit të Kuvendit. m.k
