Nga 257 anëtarë të Këshillit Kombëtar që morën pjesë në votim, 251 votuan pro shkarkimit, të anëtarëve të kryesise dhe kryetarit të këshillit kombëtar, 4 kundër dhe 2 fletë votimi të pavlefshme, sipas zyrës së shtypit të PD.
Numri total i anëtarëve te Këshillit është 479. Selia premtoi se do të bëhet transparencë e plotë me emrat e anëtarëve të Këshillit Kombëtar që morën pjesë në votim dhe përbëjnë shumicën absolute të Këshillit Kombëtar, por ata nuk shpërndanë listë por video pa zë.
Mediat kanë identifikuar disa nga personat që morën pjesë në mbledhjen e Këshillit Kombëtar se nuk janë anëtarë dhe nuk mund të votonin. Megjithëse ka qënë e vështirë për shkak se fotot e shpërndara nga selia janë nga pas anëtarëve dhe asnjë nga para.
Në fotot më poshte janë disa raste të publikuara nga syri tv.
Një prej tyre është Gentian Gjonaj, i cili nuk është pjesë e Këshillit Kombëtar.
Siç edhe dallohet në foto, i pranishëm në këtë mbledhje është edhe Isak Tema, i cili nuk është anëtar i Këshillit Kombëtar.
Ermal Ngjelina, personi që shihni në foto nuk është anëtar i Këshillit Kombëtar të PD.
Shpëtim Agolli është militant i zonës së unazës së re dhe Nazmi Totraku nga Rrogozhina edhe duke mos qenë anëtarë të Këshillit Kombëtar janë numëruar si të tillë në mbledhjen e sotme.
Edhe Ilir Kodra nuk rezulton të jetë anëtar i Këshillit Kombëtar, por kjo s’e ka penguar atë që të jetë pjesë.
Sipas syei.net në mbledhjen e Jëshillit kanë marrë pjese vetëm 134 anëtarë pasi aq janë kapacitetet e sallës.
