Këshilli Kombëtar i mbledhur nga Basha një ditë pas Kuvendit Kombëtar po shqyrton këtë të fundit duke marrë edhe masa kundër tij, pavarësisht se kuvendi i mbledhur nga anëtarësia nuk mund të gjykohet nga forume poshtë tij në hierarkinë e një partie politike.
Më poshtë janë disa nga diskutimet në këshillin kombëtar të zbardhura nga zyra e shtypit e PD.
Lulzim Basha:
Asnjë deklarim i dalë nga ky tubim nuk ka asnjë lidhje me Partinë Demokratike dhe institucionet e zgjedhura të PD.
Roland Bejko: Kush do ta mbaje partine te bashkuar? I bie kryetarit qe është zgjedhur, kryetarit legjitim. Ne nuk duam te kalcifikoheni. Te mbajmë parti te vogël. Nuk themi dot ne jemi me te miret. Zoti Basha ju del detyre te kapërceni Sali Berishen, te kapërceni veten. Kuvendi i 18 është sfida juaj qe je kryetar i vetëm, pa pengese, me mbështetjen e kryesisë, të Këshillit Kombëtar dhe të Kuvendit. Qëndrimi juaj duhet te binde ata demokratë qe ju do te bëni një PD qe te gjithë e duam. Do te jete një kuvend i vështire, por është detyra juaj te jeni bindes, te krijoni një perspektive te qarte. Te ftojmë demokratët të jenë këtu me ne, te marrim sanksione ndaj atyre anëtareve të kryesisë qe nuk respektuan vendimin.
Ferdinant Xhaferri: Ka zëra që thonë se kryetari nuk bind. Po, e vërtetë, sepse mes nesh ka qenë dyshimi a kemi një kryetar apo kemi 2. Tani është koha që kryetari te drejtoje pa dualitet dhe ne duhet ta ndjekim. Për rezolutën propozoj te përfshihet vizita e Escobarit, pasi mesazhi qe ai dha ishte nisja e vizitës nga PD. Ne lidhje me 18, dua të them që gjatë kësaj kohe e kanë mbajtur kryetaret e degëve. Deri në 18 peshën duhet ta mbajmë te gjithë, për një kuvend model.
Flutura Açka: Kur kam ardhur në PD, mendova që dija shumë, por në fakt e kam mësuar në bazë, me njerëz të ndershëm. Nuk është thjesht me kë je, me Bashën a me Berishën. E kam votuar Berishën 30 vite, me kënaqësi mjaft që demokratët janë në pushtet. Berisha ka një plagë, ne duhet ta ndihmojmë të shërohet nga vetvetja. Dje tregoi që nuk e bën dot, sot na duhet ta bëjmë ne.
Agron Kapllanaj: Nuk kam asgjë me ata demokratë që kanë rënë viktimë e manipulimit dhe dje ishin në stadium. Nuk pajtohem me ata që e organizuan, duke bërë shoë dhe duke shkarkuar ata që janë zgjedhur me votën e demokratëve. Jam rritur në PD, e di çfarë do të thotë të sakrifikosh, të kesh në krah burra e gra, mijëra demokratë që heshtin, nuk fyejnë, por na mbështesin. Në 18 dhjetor ne duhet të mbështesim PD. m.k
