Ish deputeti i PD, Fatbardh Kadilli kërkoi sot që kryesia të hiqte dorë nga përjashtimet ndërsa Basha të hapë rrugën plr garë të ndershme brenda PD.
Duke komentuar mbleshjen e pritshme të këshillit kombëtar dhe më pas edhe një foto të anëtatëve të kryesisë, Kadilli tha se asnjë prej tyte me ndonkë përjashtim nuk kanë vota apo ndikim në PD.
“Ka vetëm një zgjidhje që ndalon luftën për pushtet që po zhvillohet dhe mban PD-në e bashkuar: VOTA E ANËTARËVE. Përplasjet dhe alternativat e ndryshme duhet t’i zgjidhin anëtarët. Basha nuk e ka betejën vetëm me Berishën e as Berisha vetëm me Bashën. Të dy e kanë edhe me ne: ata që duan një drejtim të ri dhe vizion të ri të PD-së. Basha duhet të hapë rrugën menjëherë për mbajtjen e zgjedhjeve të lira dhe të ndershme.
Basha nuk mund ta mbajë pushtetin me zor. Shiheni këtë foto: me ndonjë përjashtim, asnjë nga pozuesit nuk ka kontribut në PD, nuk ka ndikim në publik, nuk ka vota. A mund të përjashtojnë këta kryetarët e degëve të zgjedhur mga anëtarësia? A mund të vendosin këta që në PD nuk duhet të ketë garë?
Dua t’u bëj thirrje pozuesve në këtë foto dhe në atë që do bëhet në Këshillin Kombëtar: Ndalni shkatërrimin e PD-së me përjashtime dhe mbyllje! Ndalni marrëzinë e mbajtjes së karrikes kundër vullnetit të shumicës së anëtarëve. Lejoni garën, lejoni anëtarët të vendosin. Kjo e shpëton PD-në. Kjo është demokracia. Kjo është qasja amerikane”, deklaron Kadilli. a.b
