Forcat e ushtrisë ju kanë ardhur në ndihmë banorëve, që preken nga përmbytjet e lumit Vjosë në Fier. Ato iu janë bashkuar punonjësve të emergjencave në terren.
Problematike shfaqet situata në bashkinë e Kolonjës, ku rritja e prurjeve të lumit ka shkaktuar dëmtimin e këmbëve të urave në fshatrat Qafzes, Shtike dhe Gostivisht.
Mësohet se forcat e ushtrisë do të operojnë në terren, në zonat ku ka nevojë për ndërhyrje.
Gjithashtu, mësohet se me kërkesë të kreut të Shtabit të Emergjencave kanë zbarkuar në këtë zonë edhe dy varka.
Përmbytjet më të mëdha janë shënuar në zonën e Vlorës në afërsi të Mifolit.
Sipas llogaritjeve të IGJEO, ditën e sotme (e diel, dt.12 Dhjetor) dhe në ditët në vazhdim, për shkak të rënies së intensitetit të reshjeve, në basenin e lumit Vjosa prurjet do të jenë në rënie.
Ky informacion do të përditësohet nga IGJEO sipas llogaritjeve më të fundit hidrologjike dhe do të njoftoheni për çdo ndryshim në parashikimin e rrezikut të përmbytjeve.
RESHJET
Sot pasdite (e diel, dt.12) dhe nesër (e hënë, dt.13) priten reshje të dobëta në të gjithë qarqet (siç tregohet në tabelë, respektivisht për secilin qark). Në lartësitë mbi 400 m në verilindje dhe juglindje reshjet priten të jenë në formë dëbore.
TEMPERATURAT
Nesër (e hënë, dt.13) temperaturat minimale dhe maksimale të ajrit pritet të arrijnë:
në bregdet: 4 / 12 °C
në vendet e ulëta: 2 / 10 °C
në vendet malore: -3 / 3 °C
ERA
Sot pasdite (e diel, dt.12) dhe nesër (e hënë, dt.13) era pritet të fryjë e lehtë deri mesatare.
