Pas 6 orësh është vendosur me shumicë votash që Kuvendi të mbahet me 18 dhjetor.
”Kuvendi do të mbahet me 18 dhjetor. Falenderoi të gjithë anëtarët e kryesisë pavarësisht mendimeve për ketë vendim pas 6 orësh mbledhje”, deklaroi Basha shkurt para mediave pa shpjeguar më tej vendimin e tij nëse ishte i ligjshëm dhe nëse vendimi i tij është për të ndarë PD.
Ndarja ishte lajmëruar nën zë nga disa deputetë afër Bashës. Grida Duma tha para pak kohësh se po luftojmë për një PD jomasive dhe moderne. r.p
Teksti i zbardhur nga zyra e shtypit:
Kuvendi Kombëtar do të mbahet më 18 dhjetor dhe jam krenar për vendimin e Kryesisë pas pothuaj 6 orësh diskutimesh, dua t’i falënderoj të gjithë, pavarësisht prej mendimeve apo votës së tyre, për përkushtimin që demonstruan dhe për legjitimimin e plotë të besimit që u kanë dhënë demokratët. Një parti, një kuvend më 18 dhjetor dhe e sigurt është që nuk do të lejoj askënd ta mbajë Partinë Demokratike peng. Ju faleminderit!
