Deputeti i PD, Oerd Bylykbashi, është shprehur se krryetari Lulzim Basha e ka kthyer partinë në kompani private.
Sipas Bylykbashit, vendimi i Bashës, për përjashtimin e Berishës nga grupi parlamentar, nuk ekziston sepse nuk kishte statut për ta bërë këtë gjë, dhe kryetari nuk e ka atë fuqi.
I ftuar në emisionin “Opinion”, Bylykbashi thekson se 70% deri në 80% të demokratëve janë kundër vendimit të Bashës për përjashtimin e Sali Berishës nga kreu i grupit parlamentar.
“Nuk është e vërtet ky shkarkim nga grupi parlamentar. Basha ka bërë një akt i cili nuk është një vendim. Vendimi i Bashës nuk ekziston sepse nuk kishte statut për ta bërë këtë gjë, nuk e bën dot kryetari nuk e ka atë fuqi. Nëse partia nuk funksionon në bazë të stautit nuk është parti është kompani private, SHPK, është person fizik, më keq. Në këtë moment, kthimi në gjë personale dhe në përplasje personale e zvogëlon atë që po ndodh. Në këtë moment në PD ka një zhvillim të madh që lidhet me demokracinë të brendshme të partisë. Narrativa e prezantuar nuk është e vërteta nuk është e sakta. Basha duhet të rishpik veten, ai duhet të pyes demokratët se çfarë duhet të bëjë dhe ai nuk i pyet. 70%-80% bazës është kundër vendimit të tij. Basha duhet të dëgjojë ata që i kritikojnë dhe të mos i largojë, por mesa duket këtë ,model ai nuk mund ta kap”, tha Bylykbashi.
Në vijim zyrtari i lartë i PD tha se me Bashën partia do të shkonte gjithnjë e më poshtë.
“Unë e kam konstatuar situatën, Kam marrë një vendim sepse e shikoj se si është situata, nuk ekzistonte mundësia nëse nuk hynte në lojë Sali Berisha të ngrinte tezën e demokracisë që ne të kishim mundësi të konceptimi idenë e një Kuvendi që mund të rishkruaj statutin që të ndaj pushtetet dhe ti heq pushtet kryetarit të partisë. Do ikja unë dhe kushdo tjetër dhe do kishim një parti që zvogëlohet e do kthehej në një dyqan dy me dy me një qepen me logon e PD dhe me Bashën brenda. Ne tani kemi shansin që të rikthehemi. Në kemi disa vite që kemi një koncept toksik në parti. Ky është një tregus degradues”,-tha Bylykbashi në emisionin Opinionin. m.k
