Ndërsa analizoi zhvillimet e fundit politike në vend, analisti Fatos Lubonja u shpreh se kryeministri kërkon të zbusë opozitën dhe ta bëjë shtëpiake, duke shtuar se oligarkia kërkon të konsolidojë pushtetin e vet përmes lidhjeve me Edi Ramën.
Projekti i Ramës është eliminimi i opozitës, por jo në kuptimin klasik. Por kemi atë që mund ta quajmë ‘shtëpiakëzim’ i opozitës, kthimi i një opozite të zbutur pa nervin që duhet të ketë. Kush është i buti dhe i forti?! Këtu vjen puna. Ne kemi një Lulzim Bashë, i cili deri dje thoshte; ‘Rama nuk mundet dot me proces të rregull demokrat, duhet të dalim nga Parlamenti dhe të futemi në çadër, të bëjmë protesta se nuk rrëzohet në formë demokratike. Në këtë linjë kanë qenë të gjithë, edhe Berisha dhe Basha, kjo ishte opozita, bandë. Se po të kishin mbështetje popullore, që të besoheshin vërtet s’kishin nevojë për ato protesta të egra, ku mjafton të mos ikte populli nga Kryeministria, ikte ai. Në këto kushte ‘shtëpiakëzimi’ i opozitës, kthimi në kafshë shtëpiake vjen si proces me ndihmën edhe të amerikanëve, siç dihet. Kur ishte fjala për 30 qershorin, i ranë ata ‘bilbilit’ (amerikanët) dhe u zbut. Pas zgjedhjeve i futën një non grata Berishës. Unë nuk shoh këtu vetëm një çështje amerikane. Është një proces i cili ka ardhur edhe nga brenda PD-së. Janë interesat e sistemit, oligarkia me radhë pas 30 vjetësh nuk donte trazira, as premtime për rruspa. Oligarkia kërkon të konsolidojë pushtetin e vet. Berisha ka kundër Ramën, amerikanët, dhe pjesën e vetë të opozitës së zbutur, te shtëpiakëzuar. Lulzim Basha duhet të kishte qëndruar të paktën si bandë, jo e shtëpiakëzuar”, tha Lubonja në emisionin “Pikat mbi I” në “News 24”.
Lubonja tha se opozita aktualisht nuk ngjall besim te njerëzit, ndërsa shtoi se si Basha ashtu edhe Berisha mbajnë përgjegjësi për sistemin që kanë ngritur.
“Jam kundër idesë që t’i ndajmë kush është i miri, i keqi, tradhtari, jo tradhtari. Si retorika e Berishës edhe e Bashës, çalojnë, në atë që nuk janë koherent as me vetveten. Pyetja ngrihet edhe cilës Bashë t’i besojmë, atij që thotë ky regjim do rrëzohet vetëm duke sulmuar zgjedhoret, se ky do i vjedhi, apo Bashës që thotë do t’i zgjidhim në mënyrë parlamentare gjërat. Që të dy nuk mbajnë përgjegjësi për këtë sistem që ka arritur deri këto. Nëqoftëse ti ngre parti me oligarkët, për biznes, për t’u pasuruar familja jote, do vijë dita që bandat do luftojnë, dhe kush është me e forta do integrojë tjetrën. Kur vijmë te pragmatizmi politik, unë kam gjykuar që është më mirë tri banda, se sa një bandë. Problemi që shoh unë është te sjellja, dhe ajo që ndodh konkretisht. Paaftësia e Bashës për të pastruar PD-në është po ajo. Lëvdon Berishën, por thotë me thonë Amerikanët. Meqe e tha Zoti, ne s’kemi ç’bëjmë! Në këtë aspekt, nëse do ruante forcën e një opozite që ngjall besim te njerëzit. Ai ka humbur besimin, është si ajo kafsha që nuk kafshon. Kafsha që ia kanë zbutur dhëmbët është kjo PD-ja tani”, shtoi ai. balkanweb
