Është mbajtur sot përballë kryemijistrusë protesta kundër rritjes së çmimit të energjisë elektrike, hidrokarbureve dhe ushqimeve të shportës.
Protestuesit kanë vendosurvta vijojnë protestën edhe në ditët në vijim.
Në fjalën e tij përmbyllëse aktivisti Adriatik Lapaj bërë me dije mbajtjen e protestës së radhës, e cila do të jetë ditën e hënë në orën 17:00.
“Duke qenë se katër ditë më parë unë thash ratësisht do shkoj të protestoj dhe çuditërisht u bashkuan mijëra veta.
Unë personalisht pa Ia imponuar asnjë tjetri, në demOkraci dhe vullnet të plotë, do lë disa ditë kohë për të reflektuar mbi protestën time dhe do protestoj sërish ditën e hënë në orën 17:00.
Ndoshta rastësisht bëhemi ditën e hënë më shumë dhe se sot, ndoshta rastësisht“, tha Lapaj.
Protesta u thirr përmes rrjeteve sociale. Qytetarët e pranishëm theksuan se ishte thellësisht ekonomike dhe nuk kishte lidhje me asnjë parti politike.
Kujtojmë se buka dhe karburantet kanë pësuar një rritje të ndjeshme përgjatë ditëve të fundit duke rënduar në xhepat e familjeve konsumatore.
Ajo vjen pak ditë pasi kryeministri Edi Rama paralajmëroi një rritje të energjisë elektrike për shkak të krizës globale të energjisë. m.k
