Mazhoranca është tërhequr nga vendimi për të mbyllur për publikun punën në komisionet parlamentare. Kreu i grupit parlamentar të PS, Taulant Balla deklaroi sot se duke nisur nga java tjetër komisionet do të zhvillohen në sallat e komisioneve në Kuvend.
Balla kërkoi që të gjithë deputetët të vaksinohen si një kusht për të marrë pjesë në punimet në salla.
Prej dy ditësh maxhoranca bllokoi punën në komisione pasi një vendim i shumicës në kryesinë e kuvendit mori vendim për seanca online të komisioneve.
Deputetët e PD kanë shkuar në salla por drejtuesit socialistë të komisioneve nuk u dhanë fjalën dhe pezulluan ndërkaq diskutimet.
Opozita ka protestuar para zyrave të Kuvendit prej dy ditësh, cfarë ka detyruar më në fund që socialistët të tërhiqen nga vendimi për fshehjen e punimeve të komisioneve nga publiku përmes aplikimit të mbledhjeve online. a.b
