Aldi Rama, autori i vrasjes së policit Saimir Hoxha po mbahet i intubuar në spitalin e Traumës në Tiranë. Aktualisht është me frymëmarrje të drejtuar dhe me kokën e fashuar për shkak se ka marrë dëmtime në kokë nga predha e armës së zjarrit, që i ka prekur edhe zonën e trurit.
Goditja në kokë ka ardhir nga ana e majtë dhe plumbi ka përshkuar tejpërtej. Mjekët dyshojnë edhe për hemorragji të brendshme që mund të ketë pësuar 21-vjeçari nga predha.
Ndërkaq gazetari i policisë Artan Hoxha duke folur në abcnews tv ka rrëfyer edhe dinamikën e plagosjes. Sipaa tij ajo nuk është tentative vetvrasje pasi para se të goditej me plumb ka rrëshqitur.
Policia ka bërë mbylljen e zonës dhe Aldo Ramës. Njëri e ka pa parë dhe e ka identifikua, një Snajperi sipër banesës e ka parë. Kanë qenë dy njësi të RENEA-s në zonë me 4 grupe. Dhe kur është parë aty autori që ka tentuar të fshihej, RENEA ka pastruar disa objekte që të mos futej aty dhe të rezistojë. Janë granata të RENEA-s që ka efekte hutues por nuk të dëmton. RENEA i hodhi në disa ambiente për ta nxjerrë. Kur snajper e dalloi ai ka tentuar të kalojë kanalin. Autori ka qëlluar një herë me pistoletë TT, në ajër. Në të shtënën e dytë ka rrëshqitur dhe ka ngelur në kanal. Shenjat e rrëshqitjes kanë qenë, i ka parë policia shenjat. Ka marrë një plumb ne cepin e ballit. Në bazë të të dhënave paraprake, aty ku e ka marrë plumbin në pjesën e ballit. Nuk është zonë kur personat bëjnë vetëvrasje. Vetëvrasjet bëhen ose poshtë mjekrës ose anash. Ideja është që të godasësh të vdesësh direkt jo të vuash. Por vendi i të shtënës tek ai, e ka në një pozicion tjetër, pra një rast jo i zakonshëm i vetëvrasjes. Nuk e kanë ditur se ka ngelur në kanal. Mund të ketë qëndruar edhe mbi 30 minuta i plagosur. E kanë gjetur të plagosur pa ndjenja.” tha Hoxha.r.k
