Autoritetet italiane kanë arrestuar një 40-vjeçar shqiptar, pasi u kap me një sasi prej 60 kg kanabis në Arezzo.
40-vjeçari u pikas duke bërë lëvizje të dyshimta ndërsa më pas u pa që të hidhte nga xhami i makinës një kuti kartoni, brenda së cilës u gjet 5 kg kanabis.
Kjo nuk mjaftoi për policinë italiane, e cila vendosi të zhvillonte kontrolle të tjera, në një magazinë e cila administrohej nga shqiptari.
Nga kontrollet policia arriti që të zbulonte në një zyrë disa çanta me drogë, me peshë 55 kg.
Nëse lënda narkotike do të hidhej në treg, ajo kapte vlerën e 500 mijë eurove. Shqiptari u arrestua dhe iu dorëzua autoriteteve të drejtësisë. a.b
