Ish-Presidenti Bamir Topi e konsderoi prezencën e z. Berisha në politikë një kosto për demokracinë në Shqipëri ndërkohë që për gati 15 vite ka qënë bashkëpunëtor, ministër dhe nënkryetar i tij.
Gjatë një interviste për “News 24”, ish-Presidenti ka komentuar kërkesën ambasadores së SHBA-së në Tiranë, Yuri Kim për ndalimin e Berishës të hyjë në Parlament. Ai thotë se në shtator do të krijohet një tjerë grup parlamentar, që sipas tij, mund të jetë më i madh se sa grupi që ndjek linjën e Lulzim Bashës.
“Unë besoj që Basha s’do të jetë partner për të ardhmen. Të gjithë së bashku duhet ta shohim këtë situatë jo si një situatë që u takon 2-3 personave, sepse kështu e kemi parë. Në fund fare rezultati ka qenë deficent në demokraci. Zoti Basha sot është kryetar i një opozite që ka rritur disa numra në Parlament, por ai është më i dobët seç ka qenë. Është një lider pa zë. Provë më të qartë se si është rrënuar demokracia në këtë vend është po të shohësh PD-në, ku asnjë nga themeluesit s’është atje. Mos u habisni nëse Berisha i qëndron konsekuent vendimit të tij për të shkuar në Parlament”, tha Topi.
Bamir Topi është i vetmi nga drejtuesit e PD që krijoi një parti që e shiti te Erion Veliaj në këmbim të lejeve të ndërtimit, derisa votuesit e saj e kuptuan biznesin dhe nuk i shkuan më pas. Edhe Murrizi, edhe Topalli, edhe Patozi bënë parti por nuk ishin kaq të pacipë me pazaret me PS. Kur Topi ishte President çmimi për gjyqtar në Gjykata varionte nga 50 mijë euro në shkallën e parë deri në 300 mijë në Gjykatën e Lartë. Ishte ai që konsolidoi korrupsionin në drejtësi dhe jo Berisha. Në një sondazh me gjykatësit të publikuar nga Qendra për Transparencë dhe Informim të Lirë, vetë gjyqtarët përcaktuan Presidentin si autorin kryesor të korrupsionit ne gjykata.
Bamir Topi duhet të bëjë transparencë të pasurisë dhe të llogarive për të oatur sadopak fytyrë të përfshihet në debatin politik në Shqipëri. r.p
