Qeveria shqiptare i kaloi Bashkisë Tiranë pronësinë e truallit të Teatrit Kombëtar vetëm pak ditë pasi Kushtetuesja e ka rrëziar një vendim të tille ndermarrë nga qeveria dy vjet më parë, vendim që iu bashkangjit një afere korruptive të bashkisë dhe parlamentit. Praktikisht kësaj jere nuk flitet për teatrin por për truallin ku ishte teatri duke anashkaluar Kushtetiesen përmes një procedure të errët.
Në VKM-në e firmosur nga ministrat theksohet se Bashkisë i ndalohet që ta ndryshojë destinacionin e pasurisë, ta tjetërsojë atë apo t’ua japë të tretëve në përdorim, ndryshime këto në raport me vendimin e mëhershëm ku bashkë me atë vendim për kalim pronësie, një pjesë e sipërfaqes publike i jepej një kompanie pa garë por me nje ligj të posaçëm të Kuvendit.
1. Kalimin, në pronësi të Bashkisë Tiranë, të pasurisë nr.1/241, lloji “truall”, në zonën kadastrale 8150, Tiranë, me sipërfaqe totale 5 522.7 (pesë mijë e pesëqind e njëzet e dy pikë shtatë) m2, me adresë: rruga “S. Toptani”, Tiranë, sipas kartelës së pasurisë dhe fragmentit të hartës kadastrale, që i bashkëlidhen këtij vendimi.
2.Bashkisë Tiranë i ndalohet të ndryshojë destinacionin e pasurisë së përcaktuar në pikën 1, të këtij vendimi, ta tjetërsojë atë apo t’ua japë të tretëve në përdorim.
3.Pasuria e përcaktuar në pikën 1, të këtij vendimi, i shtohet listës përfundimtare të pjesshme të pronave të paluajtshme publike shtetërore, miratuar me vendimin nr.219, datë 21.3.2017, të Këshillit të Ministrave, “Për miratimin e listës përfundimtare të pjesshme (pjesa e parë + pjesa e dytë) të pronave të paluajtshme publike shtetërore, që transferohen në pronësi ose në përdorim të njësisë administrative Tiranë, Bashkia Tiranë, të Qarkut të Tiranës”, të ndryshuar.
4.Ngarkohen Ministria e Kulturës, Bashkia Tiranë dhe Agjencia Shtetërore e Kadastrës për zbatimin e këtij vendimi”, thuhet në VKM.
Por rreth 2 javë me parë ishte Gjykata Kushtetuese që e rrëzoi vendimin e qeverisë për kalimin e pronësisë së truallit të Teatrit nën përgjegjësinë e Bashkisë Tiranë.
Kushtetuesja përmes vendimit të saj e la truallin e Teatrit në pronësi të Ministrisë së Kulturës, si dhe rrëzoi ligjin special për ndërtimin e teatrit me koncesion, ligj që shpjegohet se kishte humbur fuqinë për shkak të dështimit të negociatës.
Vendimk i qeverisë bie ndesh me vendimin e saj të mëparshëm për transferimin e Teatrit, duke i hapur mundwsinë për SPAK të hetojë vendimin korruptiv të Parlamentit. a.b
