Ardian Gjelosh Narkaj është në kërkim nga policia prej 13 vitesh.
52 vjeçari ka qenë në listën e të kërkuarve nga Policia e Shtetit, pasi akuzohet për “vrasje në rrethana cilësuese”.
Ai kreu vrasje të dyfishtë në vitin 2008 në Malësinë e Madhe. Ngjarja ndodhi në fshatin Bratosh, ku viktimë mbetën Tonin Ulaj dhe Gjergj Shota.
Krimi i dyfishtë ndodhi gjatë kohës kur dy viktimat ishin persona të shpallur në kërkim nga Policia. Një tjetër i kërkuar është Françesk Vala, i dënuar në vitin 2017.
Narkaj u dënua nga Gjykata e Apelit Shkodrë me 4 vite e 10 muaj burg, pasi u shpall fajtor vetëm për vrasjen e Gjergj Shotës. Por Kolegji Penal i Gjykatës së Lartë prishi vendimin e dhënë nga Gjykata e Apelit në Shkodër, duke kthyer për rishqyrtim në vitin 2015 çështjen.
Përplasja me RENEA ndodhi në Ratëm.
Nuk dihen ende rrethanat se si ka ndodhur ngjarja, ndërsa Narkaj është dërguar me helikopter në Spitalin e Traumës në Tiranë, ndërsa burime bëjnë me dije se ai ndodhet në gjendje të qëndrueshme.. a.b
