Është plagosur nga forcat RENEA, Ardian Narkaj, 52 vjeç dhe banues në Koplik.
Mësohet se ai ka marrë tre plumba, një në pjesën e këmbës, një në gjoks dhe një tjetër në parakrah.
Mësohet se 52-vjeçari është plagosur nga RENEA gjatë operacionit për arrestimin e tij, pasi ishte person i shpallur në kërkim.
52-vjeçar u plagos mëngjesin e sotëm, ndërkohë pasi u dërgua në Spitalin e Shkodrës, ai u transportuar për mjekim me të specializuar në Tiranë. Për shkak të plagëve të marra, gjendja e tij është e rënduar.
Narkaj ka qenë në listën e të kërkuarve nga Policia e Shtetit, pasi akuzohet për “vrasje në rrethana cilësuese”.
Ardian Narkaj është autori i një vrasjeje të dyfishtë të ndodhur në viti 2008 në Malësinë e Madhe. Ngjarja ndodhi në fshatin Bratosh, ku viktimë mbetën Tonin Ulaj dhe Gjergj Shota. a.b
