Shkak i vrasjes së 45-vjeçares Klarita Ismalaja në Bubq të Krujës besohet të jenë bërë debatet e shpeshta mes çiftit, pasi Artan Ismalaja dyshonte se gruaja e tij e tradhtonte.
Çifti jetonte prej vitesh në Tiranë me dy djemtë dhe nënën e autorit. Prej 3 muajsh çifti kishte pasur konflikte te vazhdueshme ndërsa një ditë më parë çifti Ismalaja ishin në Krujë për shitjen e një shtëpie.
Gjatë rrugës kanë bërë debat mbi temën e tradhtisë dhe burri ka sulmuar me thikë gruan, duke e qëlluar disa herë për vdekje.
Vrasja ndodhi në makinën në pronësi të autorit, ndërkohë që ky i fundit me thikë ka qëlluar disa herë veten.
Roja i magazinës ku ndodhi ngjarja ka njoftuar policinë pas skenës që pa brenda makinës. 51-vjeçari u transportua me urgjencë për në spital, ndërsa sot iu komunikua masa e arrestit. Ai ndodhet në gjendje të rëndë për jetën. a.b
