Një nga plazhet më të njohura të vendit është përfshirë nga pasiguria një natë mënparë teksa janë dëgjuar krismash armësh dhe pak më herët një zjarr ka djegur zhezlonget e një biznesi.
Në Drimadhes ka ndodhur një konflikt mes disa personave, ku njëri prej tyre ka qëlluar në ajër me armë zjarri. Policia thotë se ka shpallur në kërkim shtetasin H.F 28 vjeç.
“Nga specialistët për Hetimin e Krimeve në Komisariatin e Policisë Himarë u bë shpallja në kërkim e shtetasit H. F., 28 vjeç, pasi dyshohet se mbrëmjen e djeshme, në Drimadhes, gjatë një konflikti të çastit, ka qëlluar në ajër me armë (sportive) pistoletë dhe është konfliktuar fizikisht me shtetasit D. D. dhe O. T”, thuhet në njoftim.
Sipas policisë, në Drimadhes janë djegur edhe rreth 60 shezlongë në pronësi të një shtetasi me iniciale B.D.
“Më datë 28.06.2021, rreth orës 01:00, në Drimadhes, Dhërmi, ka rënë zjarr dhe janë djegur rreth 60 shezlongë në pronësi të shtetasit B. D”, thuhet një njoftimin shkurt të policisë. a.b
