Kryeministri Edi Rama shmangu sërish sot kryetarin e bashkisë së Vlorës, Dritan Leli nga inspektimet që po kryen në këtë qytet.
Rama po ia nxin jetën kryetarit të Vlorës që prej refuzimit të tij për tu larguar nga bashkia dhe kandiduar si deputet.
Rama mezi arriti të përfshihej në listën fituese të Vlorës ndërsa pjesëmarrja në zgjedhje ne Vlorë ishte në minimumet historike.
Kryeministri inspektoi bypass-in e Vlorës me n/kryetarin e bashkisë, Afrim Qendro, ish drejtorin e dorëhequr nga drejtor i ARRSH, pas skandalit të tenderit të Unazës së Re.
Prokuroria w Tiranës kreu hetime duke mos e cuar cështjen në SPAK edhe pse në skandal përfshiheshin zyrtarë të lartë të shtetit. Ne fund të hetimeve u dënua vetëm një person me pak muaj burg për skandalin e falsifikimit në dy shtete dhe përfitimit të 20 milionë eurove ngavparatë shtetërore me firmat e zyrtarëve të lartë.
“Mirëmëngjes dhe me një moment nga puna sfiduese në bajpasin e Vlorës, të cilin synojmë ta bëjmë të kalueshëm në mesin e korrikut, ju uroj një fundjavë të bukur”, shkruan Rama.
Punimet për baypass-in e Vlorës janë drejt përfundimit, ndërsa pritet të hapet më 15 korrik në mënyrë provizore duke i shërbyer sezonit veror për të lehtësuar trafikun e rënduar që krijohet nga Radhima deri tek Kalaja në Vlorë.
Bypass-i i Vlorës ka një gjatësi prej 29 kilometrash, nis në fundin jugor të autostradës Levan-Vlorë dhe përfundon në lindje të Orikumit ku bashkohet me rrugën nacionale Orikum-Sarandë.
Qeveeia Rama ende nuk ka përfunduar asnjë rrugë për 8 vite, me përjashtim të bypassit të Fierit i cili ishte ndërtuar në një pjesë të mirë të tij para 2013. a.b
