Një infermiere e QSUT ka humbur jetën ditën e sotme, njoftoi Shoqata e Infermierëve të Shqipërisë me anë të një postimi në Facebook.
Në njoftim thuhet se ajo është Adjola Sula dhe se e reja ka ndërruar jetë papritur.
Shoqata i shpreh ngushëllime familjes për humbjen e vajzës së tyre.
“Humbje e madhe për te gjithë koleget largimi ne moshe kaq te re te Adjola Sules Infermieres se Urgjencës se Sëmundjeve te Brendshme ne QSUT.
E dashur me te gjithë koleget dhe e dhembshur me te gjithe pacientet qe u shërbente.
Nene e dy fëmijëve dhe grua shembullore.
Duket sikur jeta është e padrejte kur merr njerëzit dhe koleget me te mire.
Ngushëllime te përzemërta familjes, kolegeve dhe dy vajzave te saj te vogla.
Nuk gjejmë dot fjale për te thëne çfarë na ke shkaktuar te gjithëve ne qe patëm fatin te te njihnim.
Shpirti yt u preftë ne paqe. Shoqata e Infermiereve te Shqipërisë”, thuhet në reagimin e shoqatës.
