“Do lyhem me benzinë bashkë me fëmijët e mi, dhe do të digjem këtu. Ne jemi palestinezë s‘jemi shqiptarë sipas shtetit. Na bëjnë lloj lloj provokimesh”, shprehet një tjetër prej anëtarëve të familjes Lame për “Fax Neës”, pronat e të cilave pa asnjë lloj dokumenti janë marrë nga bashkia e Tiranës për ti kthyer në troje për pallatet e personave të dëmtuar nga tërmeti.
Mjete të rënda kanë shkuar për të hapur themelet e një lagje të re ndërsa familja Lame që është pronare e një sipërfaqe të madhe toke pretendon se nuk është vënë në dijeni për projektin.
“Punëtorët që kishin ardhur këtu nuk kishin asnjë lloj dokumenti për të nisur punimet.
Ne bazohemi vetëm te ajo që është publikuar në mënyrë zyrtare, nuk na ka ardhur asnjë informacion në rrugë zyrtare, tani është në proces shpronësimi, e kemi marrë vesh nga kërkimet që kemi bërë vetë. Nuk na ka njoftuar askush. Përveç pjesës së pallateve do marrin edhe tokën për t ‘ia dhënë të tjerëve.
Ne dimë që në Shqipëri ka ligj, akoma nuk e dimë as shifrën që do të shpronësohemi, me gojëdhëna na kanë thënë që 1200 lekë të vjetra metri. Ne nuk na kanë thënë asgjë“, shprehen përfaqësuesit e familjes Lame.a.b
