Ka shkuar në 3 numri i personave të plagosur, mes të cilëve edhe dhëndri i Pjerin Xhuvanit dhe një punonjëse e forcave “Shqiponja”, e cila ka marrë plagë në këmbë. Vetë Pjerin Xhuvani ka mbetur i vdekir në vend.
Efektivja Xhensila Sota ndodhej me shërbim në zonë në momentin e ngjarjes.
Një nga të plagosurit është në gjendje të rëndë.
Edhe një emër i njohur, Kelmend Xhaferri është shpallur në kërkim.
Mediat lokale kanë raportuar se autori i dyshuar është Arbër Paplekaj i cili aktualisht është vetdorëzaur.
Makina ku ndodhej Pjerin Xhuvani dyshohet se ka pasur para dhe karta identiteti. Dhe ky ka qënë edhe shkaku i përplasjes me armë. Ende nuk dihen rrethanat e vrasjes dhe plahosjeve.
Nga dëshmitë e para nga vendngjarja mësohet se ka pasur shkëmbim zjarri dhe është qëlluar nga dy armë të ndryshme.
Ndërkaq drejt Elbasanit janë nisur Forcat RENEA. Pjerin Xhuvani u ekzekutua pas një përplasjeje me armë që ndodhi në lagjen “5 maji”. Dyshohet se shkak është bërë shpërndarja e parave për blerjen e votave.
Xhuvani prej kohësh nuk e ushtronte aktivitetin si mjek dhe së fundmi ishte angazhuar në zgjedhje me Partinë Socialiste.
