Tre shtetas kanë rënë në prangat e policisë, të akuzuar për veprat penale si “Fasifikim i vizave dhe dokumenteve të ndryshme në funksion të aktivitetit kriminal”, “Fshehja e të ardhurave” si dhe “Shpërdorim detyre”.
Operacioni policor i koduar “Visa” ka arrestuar shtetasit D.Ç 39 vjeçe, E.A 32 vjeç, A.D 36 vjeç, banues në qytetin e Tiranës.
Shtetasja me inicialet D. Ç e dyshuar si organizatore së bashku me dy bashkëpuntorët e tjerë u premtonte shtetasve të huaj dokumentacione si viza, leje qëndrimi dhe përfitimin e shtetësisë shqiptare kundrejt shumave të majme që varionin nga 1000 deri 1500 euro.
Materialet procedurale do t’i kalojnë Prokurorisë pranë Gjykatës së Shkallës së Parë Tiranë.
