Katër persona u përfshinë në një sherr të madh në një nga rrihët kryesore të Tiranës. Njëri prej tyre ka qëlluar me armë zjarri ndërkohë që policia ka ndërhyrë menjëherë.
“Në rrugën “Naim Frashëri”, në afërsi të një lokali aty pranë, si pasojë e një konflikti të çastit midis 4 shtetasve ende të paidentifikuar, njëri prej tyre ka qëlluar me armë zjarri në ajër dhe është larguar.
Nga verifikimet e Policisë nuk ka persona të lënduar.
Në vendngjarje ndodhet grupi hetimor i cili po vijon veprimet për sqarimin e rrethanave të kësaj ngjarje, identifikimin e personave të përfshirë në konflikt dhe kapjen e personit që qëlloi me armë zjarri”, njoftoi policia e Tiranës. m.k
