Një person është hedhur nga lartësia e një ure në Përmet duke i dhënë fund jetës. Ngjarja ndodhi në hyrje të qytetit tek një urë e lartë ku një 60 vjeçar u hodh nga lartësia.
Përmet/Informacion paraprak.
Njoftohemi se rreth orës 09:30, në hyrje të qytetit të Përmetit, është hedhur nga ura shtetasi S. D., 60 vjeç, banues në Piskovë, Përmet, i cili vuante nga probleme të shëndetit mendor.
Shërbimet e Komisariatit të Policisë Përmet në bashkëpunim me banorët e zonës, bënë të mundur nxjerrjen e trupit të pajetë të shtetasit S. D., nga shtrati i lumit.
Në vendngjarje ndodhet grupi hetimor dhe po punon për zbardhjen e rrethanave të ngjarjes.
