Grupi ekstremist i Shtetit Islamik ka marrë përgjegjësinë sulmin në Universitetin e Kabulit, që shkaktoi 19 persona të vdekur dhe mbi 20 të plagosur.
Zëdhënësi i Ministrisë së Brendshme, Tariq Arian tha se tre sulmues hynë në universitet më 2 nëntor, para se të përballeshin me forcat e sigurisë për orë të tëra dhe se të tre sulmuesit janë vrarë në betejë.
Dëshmitarët kanë thënë se pas sulmit ka pasur edhe shpërthime në zonën e sulmit.
Sulmi thuhet të ketë nisur para arritjes së zyrtarëve qeveritarë për një panair të librit afgano-iranian.
Grupi militant, Shteti Islamik ka postuar dhe një mesazh në aplikacionin Telegram, duke thënë se dy prej luftëtarëve të tij kanë shënjestruar “ceremoninë e diplomimit të gjyqtarëve dhe hetuesve që punojnë për qeverinë afgane që mohon fenë”.
e.h/DRONI.al/
