Policia e Lezhës ka reaguar për arrestimin e avokatit Gjergj Neli dhe ka sqaruar konfliktin mes avokatit dhe forcave të policisë.
Sipas tyre sapo policia ka marrë denoncimin ka shkuar menjëherë në adresën e dhënë ku kanë gjetur avokatin dhe bashkëshorten e tij duke u konfliktuar me një shtetas tjetër.
Sipas Policisë ata kanë ndërhyrë për të penguar përshkallëzimin e mëtejshëm të konfliktit, por avokati i ka kundërshtuar me dhunë duke goditur me grusht dhe grisur bluzen njërit prej punonjësve të Policisë.
Materialet hetimore për avokatin 68 vjeçar Neli i kanë kaluar Prokurorisë së Rrethit Gjyqësor Lezhë, për veprime të mëtejshme për vepren penale “Kundërshtimi me dhunë i punonjësit të rendit publik”.
e.h/DRONI.al/
