Enkelejd Alibeaj e ka konsideruar reagimin i administratores së kompanisë së inceneratorëve, Stela Gugallja një shantazh më vete me fjalë të stilit “alla Rama”.
Ai shprehet që mafia me të cilën ajo punon sot e detyron të reagojë; por nesër do e hedhin para drejtësisë për të shpëtuar veten siç kanë bërë gjithmonë deri me tani. Megjithatë Alibeaj thotë që peshku i madh, Edi Rama, nuk do t’ia hedhë dot duke përdorur emrat e atyre që qendrojnë përpara mafias së plehrave.
Reagimi i Alibeaj vjen pas përgjigjes së administratores së kompanisë “Albtek-Energy” shpk, Stela Gugallja, e cila zotëron inceneratorin e Elbasanit, ndaj akuzave të kreut të PD, Lulzim Basha i cili tha që ajo është e vënë nën presion nga mafia.
Gugallja tha se Prokuroria e Elbasanit ka zhvilluar hetime të cilat në fund, janë mbyllur për mungesë provash.
/DRONI.al/
