Policia e Krujes arrestoi sonte nje person i cili plagosi me thike kete mbremje dy persona, babe e bir.
Ngjarja e rende zuri fill rreth orës 21:00, në fshatin Larushkë, Fushë Krujë. Pas një konflikti të çastit janë plagosur me mjet prerës (thikë), shtetasit Sh.S., 58 vjeç dhe A.S., babë e bir, të cilët janë dërguar në spital nën kujdesin e mjekëve, njofton policia.
Grupi hetimor dhe shërbimet e Policisë ndodhen në vendngjarje dhe po punojnë për zbardhjen e ngjarjes identifikimin dhe kapjen e autorit.
Vetem nje ore me pas policia bëri të mundur kapjen dhe shoqërimin e shtetasin E.H., 35 vjeç, i cili ka goditur me mjet prerës (thikë), shtetasit Sh.S., dhe A.S., të cilët ndodhen në spital nën kujdesin e mjekëve.
Shtetasi E.H pasi plagosi babë e bir u largua me biçikletë, por u kap gjatë ndjekjes nga Policia.
Në cilësinë e provës materiale u sekuestrua thika dhe biçikleta me të cilën autori u largua, njoftoi policia. /DRONI.al/
