Nje person u arrestua sot ne Pogradec pasi qelloi me pistolete me drejtim te fqinjeve.
Ngjarja ndodhi ne fshatin Buçimas, ku dy familje fqinje po konfliktoheshin me njëra-tjetrën, njofton policia e Pogradebit.
“Shtetasi I. H., 58 vjeç, banues në fshatin Buçimas, pasi ishte konfliktuar për motive të dobëta me fqinjin e tij I. J., 52 vjeç dhe bashkëshorten e këtij të fundit, kishte qëlluar me armë zjarri tip pistoletë “Zastava” në drejtim të tyre”, njofton policia.
Falë reagimit dhe ndërhyrjes në kohë të policisë, u bë kapja dhe arrestimi në flagrancë i autorit të dyshuar të ngjarjes si edhe parandalimi i përshkallëzimit të mëtejshëm të këtij konflikti, i cili mund të sillte pasoja të rënda për jetën.
