Kryeministri Edi Rama mohoi se janë bërë tendera sekretë gjatë pandemisë së Koronavirusit, sonte gjate intervistes ne Cim Peka show ne tv syri.
Shefi i qeverisë u shpreh se ky term nuk ekziston në Republikën e Shqipërisë.
“Ju besoj e dini që, dokumente sekretë në Republikën e Shqipërisë quhen sekretë. Kanë një status sekret dhe e kanë të shkruar në lule të ballit që janë sekretë. Tendera sekretë nuk ka! Në këtë proces nuk ekziston. Është një term që është shpikur për të impresionuar publikun për të gjithë poshtërsitë që po bëhen dhe për të luftuar në mënyrë të dështuar, kot më kot me rezultatin që bën muuuu. Është një rezultat që të gjithë shqiptarët, edhe ata që kanë harruar që zemra është majtas, dhe i bien djathtas gjoksit me dorë kot. Si mund të jenë tenderat sekretë kur kanë pasur pjesëmarrje operatorësh tregu. Që kanë dhënë ofertat e tyre dhe madje ofertat janë hapur në sy të operatorëve. Të gjithë bashkë. Ça sekreti është ky?”, u shpreh kreu i qeverisë.
Pyetje: Në APP nuk ka asnjë dokument apo ofertë me fitues apo lidhje kontrate?
Rama: Kjo më çudit mua se ju, vetë personalisht, keni publikuar në atë tabelën tuaj të fletë-rrufeve që i themi unë Qimi.net, keni publikuar medemek dokumente tenderash me çmime katastrofike. Apo jo? Ju i keni publikuar. Që në fakt janë gabim. Sepse keni publikuar studimet e tregut. Nuk keni publikuar rezultatin e vërtetë të ofertave.
Përsa i përket asaj që ju thoni, unë habitem pse jeni lodhur aq shumë.
Po ju jap fjalën që nesër, do të merrem vetë personalisht dhe dp tju çoj të dhënat e sakta që lidhen me sa kanë qenë ofertat dhe si janë zhvilluar ngjarjet”.
