Policia e Peqinit ka dhene detaje në lidhje me ngjarjen e ndodhur në mbrëmje.
Nje polic i burgut është plagosur me armë zjarri, nga të shtëna që dyshohet se kanë ardhur nga jashtë rrethimit.
Peqin/Informacion paraprak:
Më datë 28.04.2020, rreth orës 19.40, është lënduar lehtë dyshohet nga një plumb qorr, shtetasi I.P, 41 vjeç, punonjës i IEVP Peqin, i cili pas ndihmës së parë mjekësore, ndodhet në institucionin ku punon dhe po merret në pyetje nga Grupi Hetimor.
Në vendngjarje kanë shkuar shërbimet e policisë ku vijon krehja e zonës dhe deri në këto momente nuk janë gjetur asnjë gëzhojë.
Grupi Hetimor vijon punën nën drejtimin e Prokurorisë për zbardhjen e rrethanave të ngjarjes.
