Edi Rama mund të largohet nga drejtimi i Ministrisë së Jashtme, shprehen burime te pakonfirmuara por nuk do te jetë ministër i Jashtëm Gent Cakaj.
Madje kanë nisur të qarkullojnë edhe emrat që mund të marrin drejtimin e diplomacisë. Burime jozyrtare thonë se së fundmi është lakuar edhe emri i këshilltarit të Ramës, Endri Fuga, për këtë post, shkruam syri.net.
Asgjë nuk mund të thuhet me saktësi për momentin, duke ditur se Shqipëria ka marrë drejtimin e OSBE dhe kryeministri është angazhuar për të shkuar në Ukrainë, madje edhe për të takuar presidentin rus.
Derisa gjërat të konfirmohen ose jo, qeveria shqiptare e ka provuar edhe në rastin e drejtimit të OSBE se sa shumë i mungon serioziteti shtetit, duke nisur me historinë e misionit të Shqipërisë në Ukrainë, shkruan ky portal lajmesh në Tiranë. / droni.al
