Zbardhen marrëveshjet, qeveria i jep Serbisë të dhënat personale të shqiptarëve

Pak nga pak janë zbardhur marrëveshjet mes lidereve të shteteve ballkanike qe jane pjese e mini-schengenit, e inicuar nga kryeministri Edi Rama.

Presidenti i Serbisë, Aleksander Vuçiç tha se samiti i Beogradit do të jetë historik në kuptimin e marrëveshjeve konkrete që do të nënshkruhen.

Me hollesisht, Vuçiç konfirmoi gjatë ditës së djeshme se një nga marrëveshjet që pritet të nënshkruhet në Beograd në fund të janarit është liria e lëvizjes përmes aeroporteve respektive.

Kjo do të thotë se shërbimet sigurisë dhe policisë të tre vendeve, do të shkëmbejnë të dhënat, do kenë databazat e përbashkëta dhe në çdo kohë do kenë informacion për çdokënd që ka shkelur në Aeroportet në Tiranës apo Beogradit. Presidenti serb tha se kanë krijuar një softuer te cilin e kane pranuar te gjithe i cili do të ndihmojë në një numër çështjesh.

Vuçiç tha se dëshirojnë që edhe doganat në ato vendkalime të punojnë 24 orë dhe se kjo do rregullohet nga doganat para Samitit të Beogradit. Ai konfirmoi se kanë biseduar edhe Operatorët e Autorizuar Ekonomikë dhe tha se Serbia ka 24, Maqedonia e Veriut ka 4 dhe nuk e dinte sa kishte Shqipëria. Vuçiç tha se marrëveshja për to përfshin që mund të merren vesh ku do jetë vendi i autorizimit, vendi i kontrollit të mallit, pra nuk do të thotë se duhet patjetër të jetë në doganë.

Presidenti serb konfirmoi gjithashtu edhe një marrëveshje që do të nënshkruhet në Beograd lidhur me transportin ajror. Ai shpjegoi se kur dikush të arrijë në Aeroportin e Beogradit, nuk do ketë nevojë t’i tregojë kujt më dokumentat dhe nuk do ta ndalojë njeri as në Shkup dhe as në Tiranë dhe anasjelltas.

“Ndërkohë që shërbimet tona të sigurisë dhe policisë do shkëmbejnë të dhënat, do kenë databazat e përbashkëta dhe në çdo kohë do kenë informacion për çdokënd që ka shkelur në Aeroportet në Tiranë, në Aeroportin Nikola Tesla në Beograd etj,-tha ai.

Vuçiç konfirmoi gjithashtu se takimi i radhës do të mbahet në Beograd në fund të janarit dhe tha se ai do të jetë një samit historik, raporton abcnews.al.

//DRONI.al/