Presidenti Ilir Meta reagoi në Facebook pasi sot po zhvillon punimet Komisioni Hetimor Parlamentar për shkarkimin e tij, propozuar nga mazhoranca, ndërkohë që Komisioni i Ekonomisë rrëzoi dekretet e tij për privatizimet dhe koncesionet.
“Propaganda anti-President nuk ndihmon sundimin e ligjit që është kusht për çeljen e negociatave në 18 tetor nga Bashkimi Europian për vendin tonë.
Spostimi i vëmendjes për momentin nga detyrimi për respektimin e dekretit në fuqi të 13 tetorit për zgjedhje gjithëpërfshirëse vendore nuk ndihmon për zgjidhjen e krizës, por ndihmon përshkallëzimin e saj.
Kriteret e Kopenhagenit nuk janë shfuqizuar ende nga BE, ndaj respektimi i tyre është i pashmangshëm nëse ka mbetur sadopak vullnet politik për çeljen e negociatave ne 18 tetor. Zgjedhjet janë e vetmja zgjidhje”, shkruan Meta në rrjetin social.
