Gazetari gjerman i BILD, Peter Tiede, ka reaguar pas paralajmërimit të kryeministrit Edi Rama se do ta hidhte në gjyq atë për shkak të publikimit të përgjimeve.
Tiede ka ripostuar shënimin në anglisht të Ramës në llogarinë e BILD në rrjetin social Twitter. Gazetari gjerman i drejtohet Ramës duke e pyetur se mos me përgjimet e publikuara sot ka dëmtuar “madhërinë” e tij si dhe i kujton kreut të qeverisë shqiptare se nuk ka ku ta hedhë në gjyq, pasi në Shqipëri nuk punojnë gjykatat.
