Nga MARIO KOXHA:
Keni dëgjuar! Shteti ka netë pa gjumë.
Në pallatin e diplomatit të lartë gjerman kanë shkruar “Borchardt, shame on you”, që në shqip përkthehet “turp të kesh Borchardt”.
Në ditën e protestës tha dicka, në emër të asaj që përfaqëson. Nuk ka rëndësi se cfarë tha dhe kujt palë I bëri nder apo qeder, por më shqetëson alarmi dhe vëmendja e madhe që kjo cështje mori.
Na u hodh shteti në sulm për të mbrojtur diplomatin nga ‘turpi’, për të gjetur personat që I skuqën faqen, a thua sikur gjërat e tjera po shkojnë vaj.
Nëse ka patur ndonjë të dhënë për kërcënim është shumë serioze dhe të gjithë biem dakord të hetohet deri në fund. Nëse është fjala për këtë parullë, kjo është “të mbulojmë atë që nuk thuhet me atë që të bëhet më shpesh”.
Të gjitha ambasadat në Tiranë na reaguan duke thënë se ky është një kërcënim I hapur dhe se personat përgjegjës duhet të dënohen.
Si fillim dikush duhet t’I shpjegojë ambasadave që “Shame one you” nuk është e njëjtë me “We will kill you”. Në qoftëse të huajt duan të instalojnë ndonjë sistem që të parandalojnë edhe shfaqjen e pakënaqësisë ndaj një mendimi, mos të lodhen kot, po e bëjmë vetë.
Së dyti, shkrimi I një parrulle nuk është I njëjtë me vendosjen e një sasie eksplozivi por është thjesht një formë demokratike proteste e cila jep një mesazh të caktuar, ashtu sic vetë diplomati dha para shkrimit të parrullës.
Së treti, u tha se tani që diplomatit I është zbuluar shtëpia, kërcënimi është edhe më I madh. Kush shtëpi? A nuk paguhet nga taksat e shqiptarëve shtëpia e tij, në Shqipëri?
Dhe së fundmi, nëse një diplomat kërcënohet nga një parrullë protestuese demokratike duke përfaqësuar një organizatë demokratike, duke ardhur nga një vend demokratik dhe duke jetuar në një Shqipëri ‘të vuajtur’ demokratike ateherë turp t’I vijë për herë të dytë.
Tani presim dikë të shkruajë “Government Shame On You”!/Student
