Një aksident ka ndodhur këtë mëngjes që shënon dhe Festën e Verës. Aksidenti ka ndodhur në aksin Fushë-Krujë-Tiranë në afërsi të fshatit Arameras, si pasojë e të cilit ka mbetur i vdekur një këmbësor.
Sipas të dhënave të para, një automjet tip “Benz” me targa të Tiranës ka përplasur një këmbësor, rreth 50 vjeç, i cili nuk është identifikuar ende.
Si pasojë e përplasjes së fortë, këmbësori ka gjetur vdekjen e menjëhershme. Trupi i pajetë i viktimës është dërguar në morgun e Tiranës, ndërsa shoferi i mjetit është shoqëruar nga policia.
