Pas përfundimit të El Clasicos, tifozët e Real Madridit ishin tejet të zhgënjyer me klubin e tyre dhe këtë e shprehën edhe duke u zënë me dy tifozë të Barcelonës, përderisa po dilnin nga stadiumi Santiago Bernabeu.
Things got REAL testy at the Santiago Bernabeu after Barcelona's 1-0 win vs. Real Madrid, with some frustrated Real Madrid supporters tussling with some Barca supporters after the match (Just glad my phone battery had some juice left to catch this) #ElClasico : pic.twitter.com/J59alC0v6N
— Ives Galarcep (@SoccerByIves) March 2, 2019
Një video e publikuar nga gazetari i Goal.com, Ives Galarcep, tregon se si dy tifozë të Barcelonës ishin zënë në mesin e disa tifozëve të Real Madridit, të cilët filluan t’i shtyjnë dhe t’i ofendojnë me fjalë, transmeton Gazeta Express.
Megjithatë, disa tifozë të tjerë të klubit madrilen e lanë anash rivalitetin dhe i dolën në ndihmë tifozëve të Barcelonës, duke i larguar nga ta tifozët e “Los Blancos”.
Mbrëmë, Barcelona e fitoi ndeshjen e dytë brenda katër ditësh kundër Real Madridit, në stadiumin Santiago Bernabeu. Këtë herë, skuadra e Ernesto Valverdes siguroi fitore me rezultat 1:0, në kuadër të La Ligës.
Golin e fitores për Barcelonën e shënoi mesfushori kroat, Ivan Raktici, i cili e mposhti portierin Thibaut Courtois në minutën e 26-të të ndeshjes.
Real Madridi pati përsëri shumë raste të mira për të shënuar gol, megjithatë nuk i shfrytëzuan asnjërën nga këto raste, njëjtë si në ndeshjen e kaluar, kur pësuan disfatë më rezultat 5:0.
