Policia e Tiranës ka zbardhur ngjarjen e ndodhur mbrëmjen e djeshme, ku në rrugën “Mihal Popi”, përballë Gjykatës së Tiranës, një sasi eksplozivi u vendos në derën e banesës së shtetasit V.Stavri.
Blutë e kryeqytetit kanë identifikuar dhe kanë shpallur në kërkim autorin e dyshuar të ngjarjes.
Bëhet fjalë për një 58-vjeçar me iniciale A. B.
“Ky shtetas mbrëmjen e djeshme, rreth orës 21:10, në rrugën “Mihal Popa”, dyshohet të ketë vendosur në derën e jashtme të banesës së një shtetasi një sasi lënde plasëse nga shpërthimi i së cilës u shkaktuan vetëm dëme materiale”, sqaron policia.
Materialet iu referuan Prokurorisë së Rrethit Gjyqësor Tiranë në ngarkim të shtetasit të lartpërmendur për veprën penale “Shkatërrim i pronës me eksploziv”.
