Kryeministri Edi Rama ka reagur me sulme për pedagogët të cilët vendosën të hyjn në grevë pas dështimit të takimit me ministren Shahini.
Ai i akuzuar ata se nuk kanë hallin e studentëve, por hallin e tyre.
Të gjitha këto deklarata, kryeministri Edi Rama po i bën gjatë bisedës bisedë me disa studentë në sallën e re të rikonstruktuar të studimit, te Konviktet e Mjekësisë.
“Mark Markve duhet t’i bëni një pyetje, se kërkesat e studentëve lidhen me ata, me universitetin. Të gjitha këto që kërkoni ju duhet t’i bënin ata. Duhet t’i pyesni ata janë dakord për vlerësimin e titujve akademikë? E duan apo nuk e duan dhe jo të thonë po, por kur e duan e si i duan. Kush po i denigron pedagogët. Nuk kanë të drejtë studentët kur thonë që na shesin librat?! thotë Rama.
Rama i cilësoi librat e pedagogëve si mizerabël.
”Pyetja e dytë, duhet të na thonë janë dakord për shitjen e librave të pedagogëve? Pyetja e tretë është a janë dakord apo jo që çdo vit studentët të bëjnë një vlerësim të performancës së pedagogëve? A janë dakord ata që të vlerësohen nga ju? Aty do kuptohet se për çfarë e bëjnë grevën, e bëjnë për ju apo se s’duan. Për çfarë e kërkojnë abrogimin e ligjit. Ne duam t’u japim përgjigje kërkesave të studentëve një për një. Një pjesë e këtyre kërkesave janë për Universitetin. Duhet ta bëjnë pedagogët. Gjithë studentët më shkruajnë mua, ‘mos ua lër në dorë atyre’. Këta që bërtasin, dhe që bëjnë greva dhe që ulërijnë duhet të përgjigjen. Po e morët dot përgjigjen hajdeni më lajmëroni”, tha kryeministri.
Kujtojmë se pedagogët i vunë afat kryeministrit për të marrë masa konkrete deri të premten që sapo lamë pas,ndërsa një pjesë e tyre hynë dhe në grevë pa afat.
Ja cilat janë 5 kërkesat e pedagogëve:
1- Mbështetje për kërkesat e studentëve
2- Kundërshtim për ligjin e arsimit të lartë dhe fillimin e procesit legjislativ për hartimin e ligjit të ri
3- Rritjen e buxhetit për arsimin e lartë publik dhe garantimin real të autonomisë financere
4-Ndalimin e menjëhershëm të fushatës denigruese dhe miratimin e statusit te pedagogeve
