Ministrja e Arsimit, Rinisë dhe Sporteve, Besa Shahini ka braktisur takimin me Senatin e Universitetit të Shkodrës “Luigj Gurakuqi”, pasi këtë të fundit kërkuan praninë e mediave.
Ministrja ka vendosur të lejë takimin për këtë arsye. Takimi po mbahej në bibliotekën e universitetit, ndërsa veprimin e saj studentët e quajtën të turpshëm.
Më herët, ministrja zhvilloi takim dhe me një përfaqësi pedagogësh të fakulteteve në Tiranë, të cilët i kishin vendosur afat deri ditën e sotme për të dhënë përgjigje.
Shahini tha se nuk janë të nevojshme bojkotet e ultimatumet, pasi qeveria është e përqendruar në arsimin e lartë ndërsa tha se nuk ka arritur dakordësimin.
Mungesa e një përgjigjeje të qartë dhe konkrete, detyroi pedagogët e Shkencave Sociale të hyjnë në grevë pa afat duke filluar nga dita e sotme.
