Edhe Lëvizja Socialiste për Integrim ka bërë thirrje që të gjithë t’iu bashkohen protestës së madhe të 16 Shkurtit.
Nga selia e LSI, kreu i Grupit Parlamentar, Petrit Vasili nuk i kurseu akuzat ndaj kryeministrit.
”Në Shqipëri po bëhet një pastrim i madh parash. Pastrimi i parave është peng në duart e një njeriu, kryeministrit të Shqipërisë. Nëpërmjet këtyre operacioneve ai bëhet miliarder por qytetarët dhe bizneset e ndershme rrënohen e mjerohen. Shqipëria është në një moment ulëritës. Kjo vërtetohet edhe nga raportet e policisë gjermane, raporteve europiane e ato të DASH.
Vasili ftoi të gjithë shqiptarët t’i bashkohen protestës opozitare më 16 shkurt.
”Le të dalim të gjithë bashkë në protestë dhe të mbrojmë të ardhmen e fëmijëve tanë. Çdo shqiptar që mbyll sytë po gatuan një të ardhme të zezë” tha ai.
