Reshjet e shumta të shiut shtyjnë ndeshjen e parë të Kupës së Shqipërisë mes Tiranës dhe Flamurtarit.
Terreni i pushtuar nga ujë, detyroi arbitrin kryesor i takimit, Kreshnik Bajramaj të ftonte skuadrat në dhomat e zhveshjeve, në mënyrë që të merrnin një vendim për mbarëvajtjen e këtij takimi.
Pasi biseduan gjithçka me zyrtarët e takimit dhe drejtuesit e dy ekipeve, u mor vendimi që sot ishte e pamundur të luhej dhe gjithçka do të vazhdojë nesër në orën 13:00.
Ndeshja u ndërpre në minutën e 25-të të saj, e sipas rregullores, takimi do të nis të riluhet që prej kësaj minute.
