Një sasi prej 4.5 kg heroinë është sekuestruar në Portin e Durrësit. Lënda narkotike u zbulua në një kamion me targa AA 519 TJ që pritej të imbarkohej në tragetin e linjës Durrës-Bari.
Droga kishte destinacion italinë dhe u zbulua nga qeni antidrogë.
Menjëherë në vendin e ngjarjes kanë shkuar agjentet antidrogë, të cilët ushtruan kontrolle të imtësishme.
Mësohet se lënda narkotike u gjet në çantën që mbante drejtuesi i mjetit, i identifikuar si Bledar Shqarthi 39 vjeç.
Policia ka ndaluar drejtuesin e mjetit dhe po e merr në pyetje, për të zbuluar më tepër rreth drogës dhe kush është rrjeti i trafikut.
