Katër hajdutë shqiptarë u arrestuan sot nga policia italiane ndërsa në tentativë për të shpëtuar nga ndjekja rrezikuan aksidente pasi përshkuan në drejtim të kundërt në qytetin Panzano. Katrë hajdutët janë plagosur.
Hajdutët të moshave nga 21, 26 dhe 40 vjeç, po udhëtonin me një automjet tip Opel Meriva (e vjedhur në Pistoia) në qytetin e Panzano e Greve në Chianti. Ata nuk iu përgjigjën thirrjes së policisë për të ndaluar duke ecur me shpejtësi në korsi të kundërt.
Pas ndjekjes për disa minuta, makina e hajdutëve shqiptarë u përplas duke u aksidentuar, duke i lënë që të gjithë të plagosur.
Shtetasi me inicialet K.A, 22 vjeç u raportua se ka pësuar dëmtime në kokë dhe fraktura në pjesën e hundës, K.S., 21 vjeç, refuzoi çdo trajtim mjekësor; S.M., 26 vjeç, u raportua me plagë të shumta me thyerje të eshtrave të hundës, ndërsa V.P., 40 vjeçar, iu nënshtrua një operacioni për thyerjen e këmbës së majtë. Tre shqiptarët e plagosur përfunduan në burg, ndërsa i katërti është ende në spital. Në makinën e vjedhur ka pasur edhe materialet e grabitura nga shqiptarët në një shtëpi në zonë.
