Gazeta gjermane BILD ka raportuar së fundmi mbi vrasjen e një shqiptari.
Në artikull shkruhet se të shtunën në mbrëmje, një burrë i moshës 47 vjeçare u qëllua në një trotuar. Pas kësaj, autori i vrasjes, një 60 vjeçar e ktheu armën në vetvete dhe vdiq pak kohë më vonë në një spital.
Ngjarja ka ndodhur në Berlin. BILD thotë se hetimet kanë bërë me dije se qartë shqiptari u godit, pak pasi kishte mbaruar punën. Dhe ai ishte një baba, në rrugën e tij për një takim me familjen.
NGJARJA
E shtuna në mbrëmje, orën 20.40: Blendi G. (47 vjeç), ishte roje sigurie në dyqanin Boss në Kurfürstendamm dhe në atë orë kishte lënë punën.
Rrugës për në shtëpinë e tij, vetëm 200 metra përpara numrit të shtëpisë 3 një njeri me një pulovër të bardhë del dhe hap zjarr. Pastaj vrasësi i tij hyn në shkallët para hyrjes së shtëpisë – dhe e drejton armën nga vetja.
“Bild” shkruan se njëri prej dëshmitarëve të ngjarjes ka parë skenën dhe ka shkuar në ndihmë të shqiptarit. Dëshmitari thotë se ka dëgjuar 3-4 të shtëna.
“Ai mori frymë dy tre herë dhe më pas pushoi (vdiq). S’mund të bëja asgjë”– shprehet një nga dëshmitarët që i shkoi në ndihmë Blendit.
